Tsela ea ho Buella Limakasine

Molula-Qhooa Sept. 15

“Batho ho pota lefatše ba utloetse ka Jesu Kreste. Ba bang ba re e ne e le motho ea ikhethang. Ba bang ba mo rapela e le Molimo ea Matla ’Ohle. U nahana hore Jesu Kreste e ne e le mang? [Emela karabo.] Makasine ena e hlalosa hantle hore na e ne e le mang, moo a neng a tsoa teng le moo a leng teng hona joale.” Bala Johanne 17:3.

Molula-Qhooa Oct. 1

Bala potso e sekoahelong. Ebe u botsa potso ena: “Na ua tseba hore ke pontšo efe eo ho buuoang ka eona moo? [Emela karabo. Ebe u bala Matheu 24:3.] Molula-Qhooa ona o hlahloba lintlha tse hlano tsa sehlooho tsa pontšo ena ’me o hlalosa lebaka leo ka lona ho hlokahalang hore re e hlokomele.” Mo bontše lebokose le leqepheng la 6.

Tsoha! Oct. 8

“Tšebeliso e mpe ea joala e baka mathata a mangata. Makasine ena e bontša phello ea joala ’meleng. [Mo bontše setšoantšo se leqepheng la 7.] Lihlooho tsena li hlalosa kamoo batho ba ka itokollang kateng tšebelisong e mpe ea joala le seo ba bang ba ka se etsang ho ba thusa.”

Nehelano e ’ngoe: “Batho ba bangata ha ba khone ho ba le sebaka sa bolulo se loketseng. Na u nahana hore ka letsatsi le leng ho tla ba le matlo a lekaneng bakeng sa e mong le e mong? [Emela karabo.] Tsoha! e na le tlaleho e nakong mabapi le maqakabetsi a bolulo. E boetse e bontša lebaka leo ka lona re ka kholisehang hore tšepiso ena ea Molimo e tla phethahala.” Bala Esaia 65:21, 22.