Tsela ea ho Buella Limakasine

Molula-Qhooa Jan. 15

“Lilemong tsa morao-rao tjena batho ba bangata ba ntse ba e-ba le tjantjello ea ho tseba ka mangeloi. Na u kile ua ipotsa hore na mangeloi ke bo-mang le hore na a ama bophelo ba rōna joang? [Emela karabo. Ebe u bala Pesaleme ea 34:7.] Makasine ena e tšohla seo Bibele e se buang ka mesebetsi ea mangeloi ea nakong e fetileng, ea kajeno le ea ka moso.”

Tsoha! Jan.

“Kajeno motho a ka fumana keletso hoo e ka bang litabeng tsohle. U nahana hore re ka e tšepa hakae? [Emela karabo. Ebe u bala 2 Timothea 3:16.] Makasine ena ea Tsoha! e bontša hore na ke hobane’ng ha re lokela ho nka Bibele e le mohloli o ka tšeptjoang oa bohlale bo sebetsang.” Mo bontše sehlooho se qalang leqepheng la 18.

Molula-Qhooa Feb. 1

“Kaofela ha rōna re hloka chelete hore re phele. Empa na ha u lumele hore ho hlokahala hore re be hlokolosi e le hore re se ke ra oela kotsing e boletsoeng moo? [Bala 1 Timothea 6:10, ’me u emele karabo.] Makasine ena ea Molula-Qhooa e re thusa ho lemoha maraba a mang a tloaelehileng a tšoasang ba hafang ka nkatana ebile e hlalosa hore na a ka qojoa joang.”

Tsoha! Feb.

“Bongata ba rōna ba nang le litho tsa malapa le metsoalle e hōlileng rea ipotsa hore na re ka ba thusa joang hore ba sebetsane le mathata a bakoang ke botsofali. Na ha ho joalo? [Emela karabo.] Makasine ena e fana ka litlhahiso tse ’maloa tse bontšang lintho tseo re ka li etsang ho thusa hore botsofali e se be moroalo o boima. E boetse e hlalosa hore na boprofeta bona bo tla phethahatsoa joang.” Bala Jobo 33:25.