Tsela ea ho Buella Limakasine

Molula-Qhooa July 15

“Na u nahana hore ho tla ke ho be le ’muso o tla rarolla mathata a moloko oa batho? [Emela karabo.] Jesu o ile a ruta barutuoa ba hae hore ba rapelle ’muso o joalo mantsoeng a hae a tlalehiloeng lengolong la Matheu 6:9, 10. [Le bale.] Makasine ena e hlalosa lebaka leo ka lona ’Muso oa Molimo o phahametseng mebuso ea batho ’me e hlalosa mahlohonolo ao o tla a tlisetsa moloko oa batho.”

Tsoha! July

Ha u kopana le mocha, u ka ’na ua re: “Lithaka tsa hao tse ngata li nahana ka lenyalo. U nahana hore u ka fumana boitsebiso bo tšepahalang hokae bo buang ka taba ee? [Emela karabo.] Hlokomela hore na Moqapi oa lenyalo ke mang. [Bala Matheu 19:6.] Makasine ena e bua ka melao-motheo e meng ea Bibele e ka re thusang ho ba le lenyalo le thabileng.”

Molula-Qhooa Aug. 1

“Kajeno e se e le ntho e atileng haholo ho bona batho ba sotla ba bang. Na u nahana hore boemo bo ne bo ka fetoha hoja batho ba eketsehileng ba ne ba ka latela mantsoe aa a Jesu? [Bala Matheu 7:12. Ebe u emela karabo.] Makasine ena e qotsa Bibele ho bontša hore na tokelo ea mantlha eo batho ba nang le eona ea hore ba tšoaroe ka seriti e tla finyelloa joang.”

Tsoha! Aug.

“Kaofela ha rōna re thahasella kalafo e ntle. Na u hlokometse hore kajeno lingaka tse ngata li leqe ho tšela bakuli mali? [Emela karabo.] Makasine ena e hlalosa lebaka la seo. Hape e qotsa Bibele ho hlalosa lebaka leo ka lona Molimo a nkang mali e le a bohlokoa.” Bala Levitike 17:11.