Tsela ea ho Buella Limakasine

Molula-Qhooa Mar. 1

“Letsatsi le chabang le le likelang re utloela ka mahlomola, maloetse le lefu. Na u ke u ipotse hore na re tla ke re pholosoe mathateng aa? [Emela karabo.] Temana ena ea Bibele e file batho ba limilione tšepo. [Bala Johanne 3:16.] Makasine ena e tšohla sehlooho se reng, ‘Kamoo Lefu la Jesu le ka U Pholosang.’”

Tsoha! Mar.

“Ebe u ikutloa joang ka litumela-khoela: li kotsi kapa che? [Emela karabo.] Bibele e bua taba ena e thahasellisang. [Bala Esaia 65:11.] Sehlooho sena se tšohla taba ea hore na tumela-khoela e lumellana le thuto ea Bibele kapa che.” Buella sehlooho se leqepheng la 10.

Molula-Qhooa Apr. 1

“Na u ka rata ho bona ha boprofeta bo boletsoeng temaneng ee bo phethahala? [Bala Esaia 2:4. Ebe u emela karabo.] Hlokomela hore Molimo o tla kenella litabeng tsa batho ’me a ‘lokise litaba.’ Bibele e bontša hore Molimo o tla loana ntoa e bitsoang Armagedone e tla felisa lintoa tsohle. Makasine ena e hlalosa hore na Armagedone ke eng le hore na ke hobane’ng ha re lokela ho e lebella ka thabo.”

Tsoha! Apr.

“Na u nahana hore re phela nakong eo litemana tsee li buang ka eona? [Bala 2 Timothea 3:1-4. Ebe u emela karabo.] Ho na le lebaka le letle la ho thahasella matsatsi a ho qetela ka matla hobane a bontša hore lintho tse molemo li larile ka pele. Makasine ena e tla u hlalosetsa.”