Tsela ea ho Buella Limakasine

Molula-Qhooa August 1

“Ebe u bona eka ke’ng eo batho ba e hlokang e le hore ba thabe? [Emela karabo. ’Me u bale Matheu 5:3.] Ena ke e ’ngoe ea litsela tseo Jesu a itseng re ka fumana thabo ka tsona. Sehloohong sena ho tšohloa seo Jesu a re rutang sona mabapi le tsela ea ho fumana thabo ea sebele.” Buella sehlooho se qalang leqepheng la 16.

Tsoha! August

“Kajeno lifiliming tse ngata ho bontšoa bademona, baloi le bonohe. Na bademona ba hlile ba teng? [Emela karabo. ’Me u bale 1 Bakorinthe 10:20.] Sehloohong sena ho bontšoa hore na Bibele e re’ng ka bademona le hore na re ka itšireletsa joang e le hore ba se ke ba re hlasela.” Buella sehlooho se qalang leqepheng la 20.

Molula-Qhooa September 1

Ama taba eo batho ba moo ba tšoenyehileng ka eona. Ebe u re: “Na u kile ua ipotsa hore na ke hobane’ng ha batho ba etsa lintho tse mpe hakaale? [Emela karabo.] Bibele e re tšepisa hore lintho li tla loka. [Bala 2 Petrose 3:13.] Makasineng ena ho tšohloa seo Bibele e se buang mabapi le sesosa sa lintho tse mpe le kamoo haufinyane Molimo a tla felisa bokhopo.”

Tsoha! September

“Na u bona eka liselefouno, li-e-mail, li-chat room le litsela tse ling tsa morao-rao tsa puisano li entse hore batho ba se ke ba hlola ba jeoa ke bolutu, kapa li bo ekelitse? [Emela karabo.] Ke kōpa ho u bontša tsela e ’ngoe eo re ka loantšang bolutu ka eona. [Bala Liketso 20:35.] Makasineng ena ho na le keletso e ’ngoe ea Bibele e molemo.”