Tsela ea ho Buella Limakasine

Molula-Qhooa August 1

“Batho ba bangata ba lumela hore batho bohle ba lokileng ba tla ea leholimong. Uena u re’ng ka taba ee? [Emela karabo.] Utloa hore na temana ena e re ho tla etsahala eng ka lefatše. [Bala Pesaleme ea 37:11, 29.] Sehlooho sena se re bolella hore na Jesu o itse’ng ka bokamoso ba batho mona lefatšeng.” Buella sehlooho se qalang leqepheng la 22.

Tsoha! August

“Ke lintho tse seng kae tse utloisang bohloko ho feta ho shoeloa ke motsoali. Na ha ho joalo? [Emela karabo.] Ba bangata ba ile ba tšeliseha ha ba bala litemana tse kang ena. [Bala Tšenolo 21:4.] Sehlooho sena se bontša kamoo re ka sebetsanang le maikutlo a mangata a bang teng nakong eo, haholo-holo ao bacha ba bang le ’ona.” Buella sehlooho se qalang leqepheng la 10.

Molula-Qhooa September 1

“Ba bang ba re haeba u tšepahala ho Molimo, o tla u hlohonolofatsa ka maruo, empa bofutsana ke bopaki ba hore Molimo ha a khahlisoe ke uena. Uena u re’ng? [Emela karabo.] Hoa thahasellisa ho tseba hore Jesu e ne e se morui. [Bala Luka 9:58.] Makasine ena e re bolella hore na bahlanka ba Molimo ba ka lebella ho fumana mahlohonolo afe.”

Tsoha! September

“Na u bona eka kajeno bacha ba thulana le mathata a mangata ho feta a bacha ba lilemong tse fetileng? [Emela karabo.] Ba bangata ba lumela hore temana ena e bua ka mehla ena ea rōna. [Bala 2 Timothea 3:1.] Makasineng ena ho na le melao-motheo e molemo ea Bibele e ka thusang batsoali le bacha hore ba sebetsane le mathata ana.”