Tsela ea ho Buella Limakasine

Molula-Qhooa September 1

“Batho ba bangata ba na le maikutlo a hore se ngotsoeng ho Genese ka Adama le Eva ke tšōmo. Ba bang ba lumela hore ruri Adama le Eva ba kile ba phela. Uena u re’ng? [Emela karabo.] Hlokomela hore na Jesu o ile a re’ng ha a bua ka bona. [Bala Mareka 10:6-9.] Sehlooho sena se bontša bopaki ba seo, ebile se bolela hore na ke hobane’ng ha seo re se lumelang e le sa bohlokoa.” Buella sehlooho se qalang leqepheng la 12.

Tsoha! September

Bala 1 Johanne 4:8 ebe u re: “Ba bang ba lumela hore Molimo o hlokofatsa batho ba khopo ka ho sa feleng mollong oa lihele. Ba bang ba na le maikutlo a hore taba eo ha e lumellane le seo re qetang ho se bala. Uena u re’ng? [Emela karabo.] Sehlooho sena se bontša seo Bibele e se rutang tabeng ena.” Buella sehlooho se qalang leqepheng la 10.

Molula-Qhooa October 1

“Kaofela ha rōna re tobana le mathata bophelong. [Bolela a atileng tšimong ea phutheho.] Na u bona eka Molimo a ka a rarolla? [Emela karabo.] Jesu o bolela tsela e ’ngoe eo Molimo a ka re thusang ka eona temaneng ena. [Bala Luka 11:13.] Makasine ena e re bolella hore na moea o halalelang ke eng le hore na o ka re thusa joang.”

Tsoha! October

“Mathata a hlaha lelapeng le leng le le leng. U bona eka malapa a ka fumana keletso ea ’nete le e ka a thusang hokae? [Emela karabo ebe u bala Pesaleme ea 32:8.] Tsoha! ena e khethehileng e bontša melao ea Bibele e mengata e tobileng e ka thusang malapa haeba a e sebelisa.”