Tsela ea ho Buella Limakasine

Molula-Qhooa September 1

“Ka linako tse ling batho ba etsa lintho tse mpe ka lebaka la ho chesehela bolumeli ka tsela e fosahetseng. U bona eka ke eng e etsang hore batho ba ee le khongoana holimo joalo? [Emela karabo.] Ela hloko seo Bibele e se khothalletsang. [Bala 1 Johanne 4:1.] Sehlooho sena se hlalosa hore na ke hobane’ng ha e le habohlokoa hore re bapise seo re se lumelang le seo Lentsoe la Molimo le se buang.” Buella sehlooho se qalang leqepheng la 10.

Tsoha! September

Bala Matheu 5:39. Ebe u re: “Na u bona eka Jesu o ne a bolela hore re lokela ho phutha matsoho feela ha batho ba bang ba re etsa hampe? [Emela karabo.] Sehlooho sena se bontša seo Bibele e se buang ka ho itšireletsa le ka ho batla tšireletso ea molao.” Buella sehlooho se qalang leqepheng la 10.

Molula-Qhooa October 1

“Lefatšeng lohle batho ba malumeli ’ohle baa rapela. Na u bona eka kannete Molimo o mamela lithapelo ebile oa li araba? [Emela karabo.] Bibele e re khothalletsa ho rapela. [Bala Bafilipi 4:6, 7.] Makasineng ena re ka fumana likarabo tse tsoang ka Bibeleng tsa lipotso tse supileng tseo batho ba atisang ho ipotsa tsona ka thapelo.”

Tsoha! October

“Re atisa ho utloela ka batho ba soetsitsoeng ke balekane ba bona ba lenyalo, ke bo-ralipolotiki le ba bang. Na u bona eka ho thata ho fumana batho ba tšepahalang? [Emela karabo.] Ba bangata ba nka hore lintho tsena li phethahatsa lengolo lena. [Bala 2 Timothea 3:1-5.] Makasine ena e hlalosa hore na re ka fumana batho ba tšepahalang hokae.”