Tsela ea ho Buella Limakasine

Molula-Qhooa July 1

“Na ho ka etsahala hore motho a be le khotso ea kelello mehleng ee ea mathata? [Emela karabo.] Bona hore na Bibele e re’ng ho Bafilipi 4:6, 7. [E bale.] Sehlooho sena se bontša kamoo re ka bang le khotso eo Molimo a fanang ka eona.” Buella sehlooho se qalang leqepheng la 10.

Tsoha! July

“Boholo ba rōna re leboha seo batsoali ba rōna ba re rutileng sona. Na u bona eka rea ba hlompholla ha re hlahloba lithuto tsa bolumeli tseo re ithutileng tsona ha re sa le bana? [Emela karabo. Ebe u bala 1 Johanne 4:1.] Sehlooho sena se bontša hore na ekaba ho fosahetse hore re tlohele bolumeli ba rōna re ee ho bo bong.” Buella sehlooho se qalang leqepheng la 28.

Molula-Qhooa August 1

“Ba bang ba re malumeli ’ohle ke litsela tse sa tšoaneng tse isang ho Molimo a le mong. Na u bona eka malumeli ’ohle a lokile? [Emela karabo. Ebe u bala Matheu 7:13, 14.] Makasine ena e bontša lintho tse tharo tse tobileng tseo Bibele e reng li lokela ho khothalletsoa bolumeling bo nepahetseng.”

Tsoha! August

“Kaofela ha rōna re kile ra khetholloa ka tsela e leeme. U nahana hore Molimo o ikutloa joang ka leeme? [Emela karabo. Ebe u bala Liketso 10:34, 35.] Bibele e ka re thusa ho mamella ha re khetholloa. Hape e re thusa ho ntša ka metso khethollo leha e le efe eo e ka ’nang eaba re na le eona. Makasine ena e tla u hlalosetsa.”