Tsela ea ho Buella Limakasine

Molula-Qhooa June 1

“Ba bangata ba lumela hore malumeli ’ohle lefatšeng ke litsela tse sa tšoaneng tse lebang ho Molimo a le mong. U re’ng ka seo? [Emela karabo.] Hlokomela hore Bibele e re’ng. [Bala Joshua 24:15.] Sehlooho sena se fana ka mabaka a re susumelletsang hore re hlahlobe hore na bolumeli ba rōna bo re isa ho Molimo oa ’nete.” Mo bontše sehlooho se qalang leqepheng la 12.

Tsoha! June

“Kaofela ha rōna re tseba batho ba itseng ba seng ba hlokahetse. Na u lokela ho ba le tšabo ea hore ba bang ba bona ba koatile ’me ba batla ho re ntša kotsi? [Emela karabo. Ebe u bala Moeklesia 9:5, 6.] Sehlooho sena se fana ka matšeliso.” Mo bontše sehlooho se qalang leqepheng la 22.

Molula-Qhooa July 1

“Batho ba bangata ba na le Bibele, empa ha ba e utloisise. Na u e mong oa bona? [Emela karabo.] Temana ena e bontša hore Mongoli oa Bibele o batla hore re utloisise Lentsoe la hae re be re rue molemo ho lona. [Bala Pesaleme ea 119:130.] Makasineng ena ho na le likeletso tse tharo tse ka re thusang ho utloisisa Bibele.”

Tsoha! July

“Kajeno batho ba bangata ba tepelletse maikutlo. Na u bona eka Molimo oa ba thahasella? [Emela karabo. Ebe u bala Pesaleme ea 34:18.] Makasine ena e bontša kamoo Molimo a ka thusang ba tepelletseng maikutlo, esita le haeba ho ntse ho hlokahala hore ba ee ngakeng. E boetse e re eletsa hore na re ka re’ng ha re ba tšelisa.”