Tsela ea ho Buella Limakasine

Molula-Qhooa April 1

“Ho na le libuka tse reng Jesu ha aa shoa ka tsela e hlalosoang ke Bibele empa li re o ile a nyala ’me a ba le bana. Na u kile ua utloa taba eo? [Emela karabo.] Ke habohlokoa hore u tsebe ’nete. [Bala Johanne 17:3.] Sehlooho sena se fana ka mabaka a ho lumela seo Bibele e se buang ka Jesu.” Buella sehlooho se qalang leqepheng la 26.

Tsoha! April

Bala Pesaleme ea 37:9-11. Ebe u botsa potso ena: “Ebe lefatše le tla ba joang ha temana ee e phethahala? [Emela karabo.] Sehlooho sena se bua ka boprofeta bona bo khothatsang ’me se hlalosa hore na ke hobane’ng ha ho e-na le bokhopo bo bongata hakana lefatšeng kajeno.” Buella sehlooho se qalang leqepheng la 20.

Molula-Qhooa May 1

“Na u kile ua ipotsa hore na ke hobane’ng ha Molimo a lumella mahlomola? [Emela karabo.] Ela hloko hore na mongoli e mong oa Bibele o ile a re’ng ha a botsa potso ena eo batho ba bangata ba ’nileng ba ipotsa eona. [Bala Pesaleme ea 10:1.] Makasine ena e tšohla seo Bibele e reng ke lebaka la hore Molimo a lumelle mahlomola le hore na o nka mehato efe ho a felisa.”

Tsoha! May

“Batho ba bangata ba ka rata ho khaotsa ho tsuba empa hoa ba thatafalla. Na ho na le motho eo u mo tsebang ea ka ratang ho khaotsa ho tsuba? [Emela karabo.] Ba bang ba bone ho le molemo hore ba kōpe thuso ho metsoalle le lelapa. [Bala Moeklesia 4:12a.] Makasine ena e fana ka likeletso tse ka thusang motho ho khaotsa ho tsuba.”