The Bible—Accurate History, Reliable Prophecy

Ho na le bopaki bofe bo bontšang hore Bibele e nepahetse litabeng tsa histori? Ke boprofeta bofe ba Bibele bo seng bo phethahetse bo re kholisang hore boprofeta bo buang ka nako e tlang le bona bo tla phethahala? Lipotso tsena li arajoa videong ea The Bible—Accurate History, Reliable Prophecy, e leng video ea boraro ea DVD e nang le sehlooho se reng The Bible—A Book of Fact and Prophecy. Ka mor’a ho shebella video ena, na u ka araba lipotso tse latelang?

(1) Litaba tse tšepahalang tse ka Bibeleng li ngotsoe ke mang? (Dan. 2:28) (2) Bibele e hlalosa Egepeta ea boholo-holo joang ka tsela e nepahetseng, ’me boprofeta bo ho Esaia 19:3, 4 bo phethahetse joang? (3) Thuto ea ho epolla lintho tsa khale e netefalitse joang seo Bibele e se buang ka Baassyria, marena a bona le pheliso ea Assyria? (Nah. 3:1, 7, 13) (4) Ke boprofeta bofe bo amanang le Babylona bo phethahetseng? (Jer. 20:4; 50:38; 51:30) (5) Ke boprofeta bofe bo mabapi le Medo-Persia bo ileng ba phethahala? (Esa. 44:28) (6) Boprofeta ba Daniele 7:6 le 8:5, 8 bo mabapi le Greece bo phethahetse joang? (7) Boprofeta ba Daniele 7:7 bo phethahetse joang ha Roma e e-ba ’muso oa lefatše? (8) Ke bo-Cesare bafe bao ho builoeng ka bona ka Bibeleng? (9) Ho ile ha etsahala’ng ka Bakreste pusong ea Nero? (10) Boprofeta ba Tšenolo 13:11 le 17:10 bo phethahetse joang? (11) Morena oa borobeli ke mang? (12) Ke likarolo life tsa video ee tse bontšang hore Moeklesia 8:9 ke ’nete? (13) Ke boprofeta bofe boo u labalabelang ho bona bo phethahala? (14) U ka sebelisa video ee joang ho kholisa ba bang hore Bibele ke buka ea Molimo?