Na U Lokela ho Chaisa?

Bahoeletsi ba bang ha ba le tšimong ba tloaetse ho chaisa ka nako e itseng, mohlomong har’a mp’a motšehare. Ke ’nete hore maemo a ba bang a ka ’na a hloka hore ba chaise ka nako e itseng ka ho khetheha. Empa na uena u chaisa hobane ba bang ba chaisa, kapa hobane le tloaetse ho chaisa ka nako e itseng? Na u ka eketsa tšebeletso ea hao ka nako e seng kae e le hore u etse mofuta o mong oa ho paka phatlalatsa, o kang oa ho paka seterateng? Na u ka etsa maeto a ho boela a seng makae ha u le tseleng e eang hae? Ak’u nahane feela hore na e ne tla ba molemo o mokaakang ha u ne u ka fumana motho a le mong ea thahasellang kapa ua tsamaisa limakasine tse ling tse eketsehileng ho motho eo u kopanang le eena tseleng! Haeba ho sa hlokahale hore re chaise, re ka eketsa ‘sehlabelo sa rōna sa thoriso’ ka ho sebetsa nakoana e eketsehileng tšimong.—Baheb. 13:15.