Kamoo re ka Sebelisang Bukana ea Ke Bo-mang ba Etsang Thato ea Jehova Kajeno?
Bukana e Ncha e Lokiselitsoeng ho Lebisa Liithuti Tsa Bibele Mokhatlong oa Jehova
1. Ke mabaka afe a mararo ao bukana ea Thato ea Jehova e hatisitsoeng ka ’ona?
1 Na u se u qalile ho sebelisa bukana e ncha ea Ke Bo-mang ba Etsang Thato ea Jehova Kajeno? Morero oa eona ke (1) ho etsa hore liithuti tsa Bibele li re tsebe hantle, (2) ho li thusa ho ithuta ka seo re se etsang le (3) ho li bontša hore na mokhatlo oa rōna o hlophisitsoe joang. Bukana ea Thato ea Jehova e na le lithuto tse bolelele ba leqephe ʼme thuto ka ʼngoe e ka tšohloa habonolo feela ka metsotso e mehlano ho isa ho e leshome, qetellong ea thuto.
2. Hlalosa hore na bukana ena e hlophisitsoe joang le hore na e na le likarolo life.
2 Kamoo e Hlophisitsoeng Kateng: Bukana ena e na le likarolo tse tharo ’me karolo ka ’ngoe e tšohla tšobotsi e itseng ea mokhatlo oa Jehova joalokaha ho boletsoe ka holimo. Sehlooho se seng le se seng sa lithuto tse 28 se ngotsoe e le potso, ’me lihloohoana tse mongolo o motenya tse latelang moo li araba potso eo. Litšoantšo tse hlalositsoeng tse tsoang linaheng tse ka holimo ho 50 li bontša hore na mosebetsi oa rōna o pharaletse hakae lefatšeng lohle. Lithuto tse ’maloa li na le lebokose la “Ithute ka ho Eketsehileng,” le nang le litlhahiso tseo u ka khothalletsang seithuti sa hao ho li leka.
3. Re ka sebelisa bukana ea Thato ea Jehova joang?
3 Kamoo U ka e Sebelisang Kateng: Qala ka ho bontša motho potso eo e leng sehlooho sa thuto. Joale, ha le ntse le bala sehlooho seo le eena, isa tlhokomelo ea hae lihloohoaneng tse mongolo o motenya. Qetellong, tšohlang lipotso tsa tlhahlobo tse hlahang botlaaseng ba leqephe. Le ka bala thuto kaofela kapa la bala likarolo tsa eona le bile le ntse le li tšohla. Sebelisa bohlale ho etsa qeto ea hore na le ka bala mangolo afe ho a bontšitsoeng. U se ke ua lebala hore le hlahlobe litšoantšo le mabokose a “Ithute ka ho Eketsehileng.” Maemong a mangata lithuto tsena li ka ithutoa ka tatellano eo li hlahang ka eona bukeng. Leha ho le joalo, ikutloe u lokolohile hore le ka fetela thutong e buang ka ntho e ’ngoe e thahasellisang ka nako eo. Ka mohlala, haeba ho e-na le kopano e tla tšoaroa haufinyane, le ka fetela thutong ea 11.
4. Ke hobane’ng ha u thabela ho ba le thulusi ee e ncha?
4 Ha re ithuta Bibele le motho e mong re mo thusa hore a tsebe Ntate oa rōna ea leholimong. Leha ho le joalo, ho hlokahala hore hape re mo rute ka Mokhatlo oa Jehova. (Liprov. 6:20) Ke thabo e kaakang hore ebe re na le thulusi ee e ncha e re thusang ho etsa seo!