Na U Sheba Lematjana la Litsebiso Kamehla?

Baholo, bahlanka ba sebeletsang le ba bang ba nang le boikarabelo ka phuthehong, nako le nako ba sheba lematjana la litsebiso ho bona hore na ba na le likabelo neng. Leha ho le joalo, batho bohle ka phuthehong ba ka fumana boitsebiso ba bohlokoa moo. Na ua tseba hore na sehlopha sa lōna se hloekisa Holo ea ’Muso neng? Na molebeli oa potoloho kapa ofisi ea lekala e rometse lengolo la bohlokoa phuthehong ea lōna? Na u tseba sehlooho sa puo ea phatlalatsa sa beke ee, e le hore u ka mema lithuto tsa hao tsa Bibele? Na ho entsoe liphetoho kemisong ea liboka kapa sehlopheng sa lōna sa tšebeletso ea tšimo? Boholo ba litsebiso tsena ha li sa phatlalatsoa nakong ea liboka ’me ho ka ’na ha se ke ha khoneha hore baholo ba tsebise bahoeletsi kaofela. Kahoo, re lokela ho sheba lematjana la litsebiso kamehla. Haeba re etsa joalo, lintho tsohle li tla etsoa “ka mokhoa o hlomphehang le ka tlhophiso.”—1 Bakor. 14:40.