Watchtower ONLINE LIBRARY
Watchtower
ONLINE LIBRARY
Sesotho (Lesotho)
  • BIBELE
  • LINGOLOA
  • LIBOKA
  • km 4/14 maq. 6-7
  • Lipampitšana Tse Ncha Tse Entsoeng ka Tsela e Khahlang!

Ha ho na video mona.

Ka masoabi ho bile le bothata.

  • Lipampitšana Tse Ncha Tse Entsoeng ka Tsela e Khahlang!
  • Tšebeletso ea Rōna ea ’Muso ea 2014
  • Lingoloa Tse Tšoanang
  • Sebelisa Lipampitšana ho Phatlalatsa Litaba Tse Molemo
    Tšebeletso ea Rōna ea ’Muso ea 2012
  • Ho Sebelisa Lipampitšana ho Hlahisa Litholoana Tse Molemo
    Tšebeletso ea Rōna ea ’Muso—1999
  • Lebaka leo ka Lona Lipampitšana li Leng Bohlokoa Haholo Tšebeletsong ea Rōna Kajeno
    Tšebeletso ea Rōna ea ’Muso—1993
  • Kamoo re ka Qalang Moqoqo re Sebelisa Lipampitšana
    Bophelo le Tšebeletso ea Rōna—Kemiso ea Liboka—2020
Bala Tse Ling
Tšebeletso ea Rōna ea ’Muso ea 2014
km 4/14 maq. 6-7

Lipampitšana Tse Ncha Tse Entsoeng ka Tsela e Khahlang!

1. Ke lingoliloeng life tse entsoeng ka tsela e ncha e khahlang?

1 Likopanong tsa Setereke tsa 2013 tsa “Lentsoe la Molimo ke ’Nete!” ho ile ha lokolloa lipampitšana tse ncha tse hlano. Ntle ho moo, ho boetse ho na le pampitšana ea Kingdom News No. 38, eo sehlooho sa eona se reng “Na Ruri Bafu ba ka Boela ba Phela?” Lipampitšana tsena kaofela li entsoe ka tsela e ncha e khahlang. Ke hobane’ng ha li entsoe ka tsela ee e ncha? Ha re li tsamaisa ka ntlo le ntlo, re ka sebelisa tsela ee eo li entsoeng ka eona hamolemo joang?

2. Morero oa ho etsa lipampitšana ka tsela e ncha ke ofe?

2 Ke Hobane’ng ha li Entsoe ka Tsela e Ncha?: Ha re ea ka ntlo le ntlo re nka mehato ena e molemo: (1) Re botsa potso e fatang maikutlo ha re qalisa moqoqo. (2) Re bala temana. (3) Re fa motho eo re buisanang le eena sengoliloeng seo a tla se bala. (4) Re botsa potso eo re tla e araba nakong e tlang, ebe re etsa litokisetso tsa ho khutla. Tsela e ncha eo lipampitšana tsena li entsoeng ka eona e re nolofalletsa ho nka mehato ena e mene.

3. Re ka tsamaisa e ’ngoe ea lipampitšana tse ncha joang tšimong?

3 Kamoo re ka li Sebelisang Kateng: (1) Ka mor’a ho lumelisa, bontša motho eo u buisanang le eena potso e ka arajoang ka litsela tse sa tšoaneng e hlahang ka holimo pampitšaneng, ebe u mo botsa hore na eena a ka e araba joang. (2) Phetla pampitšana, ebe le buisana ka karolo e reng “Bibele Eona e Re’ng?” Bala lengolo Bibeleng ha maemo a lumela. Haeba motho eo u buisanang le eena a e-na le nako, tšohla karolo e reng “Ho Tseba See ho ka U Thusa Joang?” (3) Mo fe pampitšana ebe u mo khothalletsa ho e bala kaofela ha a fumana nako. (4) Pele u tsamaea, mo bontše potso e hlahang karolong e ka morao tlas’a sehlooho se reng “U ka ’na Ua Ipotsa” ebe u etsa litokisetso tsa ho tla e araba ka Bibele nakong e tlang.

4. Re ka sebelisa lipampitšana tse ncha joang leetong la ho boela?

4 Ho etsa leeto la ho boela le hona ho bonolo. Sebelisa mangolo a sa qotsoang a karolong e ka morao ea pampitšana ho araba potso eo u e botsitseng nakong e fetileng. Pele u tsamaea, bontša motho eo u buisanang le eena setšoantšo se bukaneng ea Litaba Tse Molemo le sehlooho se buang ka taba eo ebe u mo fa bukana. Haeba a e amohela, etsa litokisetso tsa ho buisana le eena ka bukana eo ha u khutlela ho eena. U qalisitse thuto ea Bibele! Kapa, ho e-na le ho mo fa bukana, u ka mo fa pampitšana e ’ngoe ebe u etsa litokisetso tsa hore le buisane ka eona ha u khutla.

5. Lipampitšana ke tsa bohlokoa hakae mosebetsing oa rōna oa boboleli?

5 Re ’nile ra sebelisa lipampitšana ka lilemo tse fetang 130 mosebetsing oa rōna oa boboleli. Le hoja li sa lekane li bile li sa ngoloa ka tsela e tšoanang, li ’nile tsa e-ba molemo mosebetsing oa boboleli. E se eka re ka sebelisa lipampitšana tsena tse entsoeng ka tsela e ncha hamolemo, ha re bolela molaetsa oa Bibele lefatšeng lohle.—Liprov. 15:7a.

    Lingoliloeng Tsa Sesotho Lesotho (1985-2026)
    Tsoa
    Kena
    • Sesotho (Lesotho)
    • Romela
    • Ikhethele
    • Copyright © 2025 Watch Tower Bible and Tract Society of Pennsylvania
    • Kamoo e Lokelang ho Sebelisoa
    • Tumellano ea ho Boloka Lekunutu
    • Privacy Settings
    • JW.ORG
    • Kena
    Romela