Mehlala ea Seo U ka se Buang le Batho

Potso: Batho ba bang ha ba kholoe hore Jesu o bile teng lefatšeng, ha ba bang ba kholisehile hore o bile teng. Ba bang bona ba re ha ho na bopaki ba hore o ile a fela a ba teng. U nahana’ng ka taba ee?

Buella Sengoliloeng: Tsoha! ena e bontša bopaki ba seo.

Potso: Ho etsahala’ng ka rōna ha re e-⁠shoa?

Lengolo: Joh 11:11-14

Molaetsa oa Bibele: Ha motho a hlokahala, ha a sa phela. Kahoo re ke ke ra tšoha hore na ho tla etsahala’ng ka rōna ha re hlokahala. Jesu o ile a tšoantša lefu le boroko. O tla “tsosa” baratuoa ba rōna e le hore ba phele hape mona lefatšeng joalokaha a ile a tsosa Lazaro.—Job 14:14.

Buella Sengoliloeng: Ke kōpa ho u memela puong ea Bibele. E tla ba Holong ea ’Muso, e leng sebaka sa rōna sa borapeli. [Mo fe memo ea liboka, ebe u mo bontša nako le sebaka seo liboka li tšoareloang ho sona mafelo-beke, u be u mo bolelle sehlooho sa puo ea phatlalatsa.]

Potso: Na u kile ua ea Holong ea ’Muso? [Haeba maemo a u lumella, mo bontše video ea Ho Etsahala’ng Holong ea ’Muso?]