E-ba Bohlale ha u Etsa Metsoalle Inthaneteng

HOBANE’NG HA HO LE BOHLOKOA?: Joaloka lisebelisoa tse ngata, ho etsa metsoalle inthaneteng hona le melemo le likotsi tsa teng. Bakreste ba bang ba khetha ho se etse metsoalle inthaneteng ha ba bang bona ba e sebelisa ho buisana le metsoalle le beng ka bona. Leha ho le joalo, Diabolose o batla re sebelise mokhoa ona oa ho etsa metsoalle inthaneteng ka tsela e seng bohlale, e ka senyang kamano ea rona le Jehova. Joaloka Jesu, re ka sebelisa melao-motheo ea Lentsoe la Molimo ho lemoha likotsi tse joalo le ho li qoba.—Lu 4:4, 8, 12.

MARABA AO RE LOKELANG HO A QOBA:

• Ho qeta nako e ngata ho feta tekano re sebelisa mecha ea puisano. Ho qeta lihora-hora re etsa metsoalle inthaneteng kapa re le mecheng ea puisano, ho ka re jella nako ea ho sebeletsa Jehova

  Melao-motheo ea Bibele: Ef 5:15, 16; Fil 1:10

• Ho sheba lintho tse belaetsang. Ho sheba litšoantšo tse bakang takatso ea ho kopanela liphate, ho ka etsa hore re oele lerabeng la ho tloaela ho sheba litšoantšo le livideo tsa batho ba etsang thobalano. Ho bala boitsebiso ba bakoenehi le ho kena li websaeteng tsa bona ho ka senya tumelo ea rona

  Melao-motheo ea Bibele: Mat 5:28; Fil 4:8

• Ho ngola le ho beha lintho tse fosahetseng. Kaha pelo e bolotsana, motho a ka beha litšoantšo tse fosahetseng inthaneteng kapa a ngola litaba tse mpe. Ho etsa joalo ho ka senya botumo ba motho kapa ha senya tumelo ea hae

  Melao-motheo ea Bibele: Bar 14:13; Ef 4:29

SHEBELLANG VIDEO EA E-BA BOHLALE HA U ETSA METSOALLE INTHANETENG, E BE LE BUISANA KAMOO LE KA QOBANG MAEMO A LATELANG: