Eketsa Tšebeletso ea Hao Nakong ea Sehopotso

Selemo le selemo Lipaki Tsa Jehova li thabela ho tšoara Sehopotso li le hammoho. Libeke pele ho Sehopotso le ka mor’a sona, re sebelisa monyetla oo hore re rorise re be re lebohe Jehova ka mpho ea thekollo. (Ef 1:3, 7) Ka mohlala, re sebetsa ka thata ho memela batho ba bang Sehopotsong. Ba bang ba etsa liphetoho e le hore ba ka nkela bopulamaliboho bo thusang ba lihora tse 30 kapa tse 50 ka khoeli ea March kapa ea April. Na u ka rata ho eketsa lihora tseo u li qetang tšebeletsong nakong ena ea Sehopotso? U ka thusoa ke’ng hore u etse seo?

Re ka thusoa ke ho etsa litlhophiso esale pele. (Pr 21:5) Kaha nako ea Sehopotso e se e atametse, re ka hla ra qalella ho etsa litlhophiso hona joale. Nahana ka hore na u ka eketsa tšebeletso ea hao joang nakong ena ea Sehopotso ’me u be u nahane hore na e le hore u finyelle seo u ka thusoa ke’ng. Ka mor’a moo, kopa Jehova hore a hlohonolofatse boiteko ba hao ba ho finyella seo.—1Jo 5:14, 15.

Na u ka nahana ka litsela tse ling tsa ho eketsa tšebeletso ea hao nakong ea Sehopotso?