Na U Sebelisa Bibele e Rekotiloeng?

Bibele e rekotiloeng ke’ng? Bibele e rekotiloeng ke khatiso e mameloang ea Phetolelo ea Lefatše le Lecha. E lokolloa hanyane ka hanyane ka lipuo tse ngata kamoo ho ka khonehang. Se etsang hore Bibele e rekotiloeng e be molemo ke hobane ho sebelisitsoe mantsoe a fapaneng bakeng sa batho ba hlahang ka Bibeleng. Babali ba bala ka boikutlo bo hlokahalang e le hore ba ka fetisa molaetsa oa Bibele ka tsela e nepahetseng.

Bibele e rekotiloeng e thusitse batho joang? Batho ba bangata ba mamelang Bibele e rekotiloeng kamehla ba rata kamoo e phelisang Lentsoe la Molimo kateng. Ba re ha ba utloa mantsoe a batho ba sa tšoaneng, seo se etsa hore ba iketsetse litšoantšo ka likelellong tsa bona tsa se neng se etsahala ’me se ba thusa hore ba utloisise se ngotsoeng ka hare ho Bibele. (Pr 4:5) Ba bang ba re ho mamela Bibele e rekotiloeng ho ba thoba maikutlo ha ba tšoenyehile.—Ps 94:19.

Ho utloa ha Lentsoe la Molimo le baloa ho ka ama tsela eo re phelang ka eona. (2Kr 34:19-21) Haeba Bibele e rekotiloeng e fumaneha e felletse kapa e sa fella ka puo eo u e utloisisang, na u ka etsa hore ho e mamela e be e ’ngoe ea lintho tseo u li etsang ha u ithuta Bibele u le mong?

SHEBELLANG VIDEO EA HO HATISOA HA BIBELE E REKOTILOENG—KAROLOANA EBE LE ARABA POTSO E LATELANG:

Ke eng e u khahlang ka tsela eo Bibele e rekotiloeng e hatisitsoeng ka eona?