Ikemisetse ho Arolelana le ba Bang Seo u Ithutileng Sona

Ho ithuta hoa khatholla empa ho arolelana le ba bang lintlha tse khothatsang tseo re ithutileng tsona ho khatholla le ho feta. Liproverbia 11:25 e re: “Ea khathollang ba bang le eena o tla khatholloa.”

Ha re bolella ba bang lintho tseo re ithutileng tsona, re khona ho li utloisisa haholoanyane ebile re khona ho li hopola habonolo. Kaha lintlha tseo li thusa batho ba bang, re thabela ho ba bolella tsona.—Lik. 20:35.

Leka sena: Bekeng e tlang, leka ho bolella motho e mong seo u ithutileng sona. E ka ba e mong oa lelapa, motho e mong ka phuthehong, motho eo u kenang sekolo le eena, mosebetsi-’moho, moahisani kapa motho eo u tla kopana le eena tšimong. Leka ho mo hlalosetsa ka tsela e bonolo le e hlakileng u sebelisa mantsoe a hao.

Hopola: Bolella ba bang ka seo u ithutileng sona e le ho ba khothatsa eseng hobane u batla ho ba khahlisa.—1 Bakor. 8:1.