Na Lipaki Tsa Jehova ke Mokhatlo oa Bozione?

Che, hase oona. Lipaki Tsa Jehova ke Bakreste ba thehileng lithuto tsa bona Mangolong. Le hoja malumeli a mang a ruta hore ho bokana ha Bajuda Palestina ho amana le boprofeta bo ka Bibeleng, Lipaki Tsa Jehova ha li lumele seo. Ha li lumele hore ho thehoa ha mokhatlo oa lipolotiki oa Bajuda ho ile ha boleloa esale pele ka Mangolong. Ha e le hantle, Mangolo ha a buelle ’muso leha e le ofe oa batho kapa hona ho phahamisa morabe o itseng ho feta o mong. Molula-Qhooa, e leng makasine ea Lipaki Tsa Jehova, o ile oa bolela o sa hlathe koana le koana oa re: “Mangolo ha a tšehetse mokhatlo oa bopolotiki oa Bozione.”

Encyclopædia Britannica e hlalosa Bozione e le “Mokhatlo oa Bajuda oo sepheo sa ’ona e neng e le ho theha le ho tšehetsa ’muso oa Bajuda Palestina.” Bo thehiloe bolumeling le lipolotiking. Lipaki Tsa Jehova ha li buelle Bozione e le thuto ea bolumeli ebile ho hang ha li tšehetse mokhatlo oa bopolotiki oa Bozione.

Mokhatlo oa Lipaki Tsa Jehova ke oa bolumeli ’me ha o tšehetse mekhatlo ea lipolotiki, e akarelletsang oa Bajuda o Loanelang Liphetoho. Haesale ho tsebahala hore Lipaki Tsa Jehova ha li tšehetse lipolotiki ’me linaheng tse ling li ’nile tsa khetha ho hlorisoa ka mabifi ho e-na le hore li hlanohele qeto ea tsona ea ho se kene lipolotiking. Re kholisehile hore ’Muso oa Molimo oa leholimo ke oona feela o tla tlisa khotso e sa feleng lefatšeng; ha ho na ’muso kapa mokhatlo oa batho o tla finyella sena.

Lipaki Tsa Jehova li lumela hore ho sa tsotellehe hore na li lula hokae, ke ntho ea bohlokoa hore li ikokobeletse molao oa babusi. Ha li fetohele balaoli ba ’muso kapa ho kenella lintoeng.