MATLOTLO A TSOANG BIBELENG | 2 BAKORINTHE 4-6
“Ha re Tele”
Nahana ka malapa a mabeli a lulang ka har’a ntlo ea serutha. Lelapa le leng le tšoenyehile haholo. Ho makatsang ke hore lelapa le leng lona le thabile. Hobane’ng? Haufinyane lelapa lena le tl’o fallela ntlong e ncha.
Le hoja “popo eohle e ntse e tsoela pele ho bobola hammoho le ho ba bohlokong hammoho ho fihlela joale,” bahlanka ba Molimo ba na le tšepo. (Bar 8:22) Rea tseba hore mathata a re hlahelang hona joale, le a seng a nkile lilemo tse mashome re e-na le ’ona, ke a nakoana ‘ ’me a bobebe’ ha a bapisoa le bophelo bo sa feleng lefatšeng le lecha la Molimo. Ho lula re nahana ka mahlohonolo a tla tlisoa ke ’Muso oa Molimo, ho tla re thusa hore re lule re thabile le hore re se ke ra tela.