Pina ea 221
Bacha! Etsisang Tumelo ea Bona
1. Samuele e mocha a sebeletsa
Jehova tlung ea hae e sa le ngoana.
Ha a le moo ea e-ba Moprofeta,
’Me a hlompha lebitso la Jehova.
Bara ba Eli ba ne ba le babe.
Na ba ne ba ka mo lahlisa ’nete?
Che, Samuele o ne a tšepahala.
Ho hang o ne a ke ke a khelosoa.
2. Mohlala o mong ke oa Timothea.
E bile moholo a sa le mocha.
O il’a phelela se’a se rutiloeng,
’Me o ile a tiea botšepehing.
Ka phuthehong o ne a tumme hantle
Hoo a bileng a buelloa habobebe.
A ba le tokelo ea boromuoa.
A fana ka thuso ho ba bangata.
3. Bokhaitseli ba bacha le hopole
Tumelo’a montsana oa Mois’raele
Ea bontšitseng tumelo le kholehong.
Ka cheseho’a khannela ba bang ketsong.
A bolela ea neng a ka phekola
Naamane ea neng a na le lepera.
Keletso ea montsana eo ea thusa
Haholo khosana eo ea Syria.
4. Baena ba bacha le bokhaitseli
Le etsiseng bao ba bileng khabane.
Tšebetso eo re e filoeng e khōlō.
Ke Jehova ea re romang kajeno.
Kahoo, lōna bacha ba ratehang tloong,
Kenang le bahlanka ba ’Mōpi ketsong.
Fanang ka temoso le roke ’Mōpi,
Le tla putsoa bofelong ba lefatše.