Pina ea 53
Ho Ata ha Puso ea Molimo
1. Rorisang puso’e hōlang ea Molimo!
Khōlo ea eona ke e makatsang.
Jah a ke a bokoe ka lithoriso
Kamehla ke bao ba mo mamelang.
Khale ho bonoe qaleho e ’nyane
Ha Jesu a qala tsel’a ’nete.
Joale masala le nku tse khabane
Ba boka ea holim’a terone.
2. Krest’o tulong sa kahlolo oa busa;
Lichaba tsohle li teng pel’a hae.
Borena ba ’Mōpi o tla bo rua
A robokele le lira tsa hae.
Ea nang le khotso, Molimo o matla,
E, ke Moeletsi, Rabosafeleng.
Pusong ea hae khotso e tla pharalla,
Kaha ke Morena ea lokileng.
3. Ho phela joale ke tlotla e khōlō!
Na khōlo ee ha e u thabise?
E, ho’a thabisa ho fana haholo,
Le ho bolela ka ’Muso hohle.
Ba nyefolang re ba laee ka matla,
Ba tsebe, bofelo bo haufi.
Ho ba bonolo, ba feheloang paka
Ka ’Muso o tla felisa sebe.