“Ziliondoa Shaka Zangu”

HAYO yalikuwa maneno aliyoyasema kijana mmoja kutoka Meksiko kuhusu makala alizokuwa amesoma katika Amkeni! Yeye aliandika hivi: “Nina umri wa miaka 17, na niko katika kipindi cha pili cha masomo katika shule ya sekondari ya akaunti na ufundi. Napenda magazeti yenu sana. Nimeyasoma kwa miaka mitatu na hata kuyahifadhi.

“Kwa vile mimi si mmoja wa Mashahidi wa Yehova na familia yetu yote ni Wakatoliki, sithubutu kwenda mikutanoni. Sipati magazeti kwa ukawaida, kwa sababu Mashahidi hawaji kwetu kwa ukawaida au wakija, hawanipati nyumbani, na watu wa familia yetu hawayachukui. Hiyo ndiyo sababu inayofanya niwaandikie nikiwaomba mnipelekee magazeti katika lugha ya Kiingereza na Kihispania vilevile.

“Makala zenu zimenisaidia sana shuleni, kutia ndani zile za mmwagiko wa mafuta (Septemba 22, 1989, Kiingereza), viumbe vya angani (Aprili 8, 1990, Kiingereza), na dinosa (Februari 8, 1990, Kiingereza), na nyinginezo nyingi. Zilinipa habari nilizohitaji, na ziliondoa shaka zangu.

“Mimi hufurahia sana kusoma makala ya ‘Vijana Huuliza . . . ,’ katika Amkeni! kwa sababu hiyo hunisaidia sana katika maisha yangu ya kila siku na katika kushughulika na vijana wengine.”

Ikiwa ungependa kuletewa nakala ya Amkeni! kupitia njia ya posta, tafadhali andikia I.B.S.A., Box 47788, Nairobi, Kenya, au tumia anwani ifaayo iliyoorodheshwa kwenye ukurasa 5.