“Lo, Plethora Iliyoje ya Ujuzi!”

“PLETHORA,” ambalo ni neno la asili ya Kilatini na Kigiriki vya zamani, “humaanisha wingi mzidifu, kupita kiasi.” Msomaji mmoja wa magazeti Mnara wa Mlinzi na Amkeni! katika Sierra Leone, Afrika Magharibi, aliandika maneno yaliyo juu kuhusu yale mabuku yaliyojalidiwa ya kila mwaka ya magazeti haya yatokezwayo na Watchtower Society. Aliendelea kusema: “Hizo ni johari nzuri kama nini za hekima ya bei kubwa ajabu! Ni kama hakuna habari yoyote inipendezayo nisiyoipata imezungumzwa mahali fulani katika kurasa za mojapo mabuku haya. Mara nyingi watu hukosea kikweli wakinidhania mimi kuwa mhitimu wa koleji, nami nikiripo kwamba hata sijawahi kuinusa milango ya koleji, wao hushangaa. Lakini mimi husema: ‘La, ni kwamba tu mimi ni msomaji mwenye bidii nyingi wa majarida Mnara wa Mlinzi na Amkeni!’”

Magazeti haya hutokea kila mwaka yakiwa kwa namna ya buku lililojalidiwa. Hata hivyo, waweza kupata magazeti hayo kwa njia ya posta. Ikiwa wapendezwa, tafadhali pashana habari na Mashahidi wa Yehova katika eneo lako, au uandikie I.B.S.A. kwenye anwani iliyo karibu zaidi iliyoonyeshwa kwenye ukurasa 5.