“Tamaa Yangu Kubwa Zaidi”

MWANAFUNZI wa darasa moja katika Vranje, Yugoslavia, walipewa mgawo wa kuandika juu ya somo lililo juu. Ifuatayo ni insha ya Sergej, mwenye umri wa miaka minane, ambaye insha yake iliwekwa kwenye ubao shuleni ili wote waisome.

“Kwanza, nilitaka kuandika kwamba tamaa yangu kubwa zaidi ni kumaliza shule kwa maksi za juu na kwenda likizo Belgrade. Lakini nilipokuwa nyumbani nilikuwa nikifikiria jambo jingine. Tamaa yangu kubwa zaidi ni kutaka ulimwengu wote uwe na amani, watu wote waishi kwa furaha, na wapendane na kusaidiana. Ningependa watu wote wawe na afya na sayari yetu iwe safi kuliko ilivyo sasa.

“Leo dunia imechafuliwa na kemikali. Maji na hewa zimechafuliwa pia. Kwa sababu ya njaa ulimwenguni, maelfu ya watoto wanakufa kila siku, na wengi zaidi wanakufa kwa sababu ya ugonjwa. Ningependa hayo yote yatoweke, na ningependa watoto wote wapendwe na wazazi wao, ili waweze kulala kwa shangwe na furaha, wakijua kwamba kila siku ifuatayo itakuwa siku nzuri. Hilo haliwezekani katika ulimwengu huu, lakini litawezekana wakati ujao. Hiyo ndiyo tamaa yangu kubwa zaidi.”

Ni nini kilichomfanya Sergej awe na uhakika hivyo kwamba mambo hayo yatatimizwa? Yeye huamini katika ahadi za Mungu zilizofafanuliwa katika Biblia. Broshua Je! Kweli Mungu Anatujali? hufafanua ahadi hizi katika sehemu yenye kichwa “Ule Ulimwengu Mpya Mzuri Ajabu Wenye Kufanyizwa na Mungu.” Unaweza kupata nakala ya broshua hii kwa kujaza na kupeleka kuponi inayoandamana na gazeti hili kwenye anwani inayoonyeshwa kwenye kuponi au anwani ifaayo iliyoorodheshwa kwenye

□ Nipelekeeni nakala ya broshua Je! Kweli Mungu Anatujali?

□ Tafadhali wasilianeni nami kuhusu funzo la Biblia la nyumbani bila malipo.