Inawezekana Kuwa na Maisha ya Familia Yenye Furaha!

MWANAMKE mwenye umri wa miaka 23 kutoka mji wa Maladzyechna, huko Belarus, aliandikia ofisi ya tawi ya Mashahidi wa Yehova nchini Urusi. Alisema kwamba ana mume na watoto wawili. Aliandika hivi: “Mimi na mume wangu tunapendana. Hata hivyo, niligundua kwamba kadiri tulivyozidi kuishi pamoja ndivyo tulivyoudhika na kubishana zaidi bila sababu yoyote. Miezi michache iliyopita, mtu fulani nisiyemjua alinisimamisha njiani na kunipa trakti yenye kichwa Furahia Maisha ya Familia. Mwanzoni, nilivutiwa na picha yake maridadi ya familia yenye furaha. Baadaye niliisoma trakti hiyo na kumpa mume wangu aisome.”

“Ni kana kwamba muujiza umetukia, kwani maisha yetu ya familia yamekuwa na furaha, yaani, yamekuwa bora kabisa. Sasa tumegundua kwamba kuwa na furaha si jambo gumu. Kinachohitajiwa tu ni kupendana kutoka moyoni na kuwa wakarimu. Mtu anahitaji kuishi kupatana na amri za Mungu, kumpenda Mungu na kuwapenda watu, kutia ndani watu wa familia na wale usiowajua.”

Mwishowe alisema hivi: “Maisha yamekuwa mazuri zaidi na yenye kufurahisha. Tunataka kuendelea kujifunza Biblia na kuwafundisha watoto wetu.”

Tunaamini kwamba trakti Furahia Maisha ya Familia inaweza kukusaidia wewe pia. Tutafurahi pia kukutumia kitabu chenye kurasa 192 kinachoitwa Siri ya Kupata Furaha ya Familia. Ili upate trakti hiyo na kitabu hicho, tafadhali jaza kuponi iliyo hapa chini na uitume kwa anwani iliyoonyeshwa au kwa anwani ifaayo iliyoorodheshwa katika ukurasa wa 5 wa gazeti hili.

□ Nitumieni nakala ya trakti Furahia Maisha ya Familia na kitabu Siri ya Kupata Furaha ya Familia.

□ Tafadhali wasilianeni nami kuhusu funzo la Biblia la nyumbani bila malipo.