“Mashahidi wa Yehova?”

SWALI lililo juu lilitokea likiwa kichwa katika Bulletin of the University of Helsinki la lugha ya Kifinlandi. Chini ya kichwa hicho kulikuwa barua iliyoandikwa na Profesa Jorma Palo, nayo ilisema hivi kwa sehemu: “Nilichunguza kwa ukaribu zaidi muhuri wa chuo kikuu chetu kilichochapwa kwenye jalada la Bulletin hilo. Katikati ya sehemu ya nusu ya juu, nilipata maandishiasilia ya Kiebrania ambayo niliuliza mgeni wangu mmoja Myahudi maana yayo. Kulingana na mwanachuo huyo, anayejua Kiebrania, neno hilo ni ‘Yehova’ katika Kifinlandi.”

Kuwapo kwa jina la kibinafsi la Mungu kwenye muhuri wa chuo kikuu hicho cha Finlandi kulishangaza wengine. Lakini, kwa kweli, chuo kikuu hicho kina umri wa miaka 350, na wakati kilipoanzishwa, jina la Yehova lilijulikana sana na kutumiwa kotekote Ulaya. Jina hilo latokea kwenye majengo ya umma, sarafu, na mihuri isiyohesabika yenye tarehe kutoka kipindi hicho.—Ona broshua Jina la Mungu Litakaloendelea Milele.

Katika karne yetu, Jumuiya ya Wakristo haitumii tena jina la Mungu, na upendezi huo wa mapema katika jina hilo umesahauliwa na wengi. Ni kikundi kimoja tu kinachotumia jina la kimungu katika ibada na kulitangaza kotekote, kwa kupatana na ombi la kwanza katika Sala ya Bwana: “Baba yetu uliye mbinguni, jina lako litukuzwe.” (Mathayo 6:9) Hiyo ndiyo sababu kwa nini, wakati jina hilo lilipotambulika kwenye muhuri wa chuo kikuu hicho, watu walifikiria Mashahidi wa Yehova mara moja.

[Hisani ya Picha katika ukurasa wa 32]

Yliopisto