Kuna Wakati Ujao Gani kwa Watoto Wetu?

TISHO la nyukilia—liwe linatokana na mabomu ya majangili au latokana na aksidenti katika mitambo ya nyukilia—latisha watu wote. Unaweza kwa kufaa kuhangaikia hasa watoto, kutia ndani watoto wako na wajukuu wako. Inasikitisha kama nini kujua kwamba tisho la nyukilia lahatarisha afya na wakati ujao wa mtoto yeyote.

Lakini usivunjike moyo. Kuna sababu nzuri kwako kuwa na matazamio mazuri kuhusu wakati ujao wa watoto. Msingi wa tumaini hautegemei jitihada za binadamu za kulinda wachanga wetu bali wategemea wakati ujao ulio mikononi mwa Muumba wetu.

Mwana wa Mungu, Yesu, alipofundisha katika Mashariki ya Kati, alionyesha hangaiko kwa watoto. (Marko 9:36, 37, 42; 10:13-16) Biblia yaonyesha kwamba hangaiko kama hilo litaonyeshwa wakati Mungu atakapomaliza tisho la nyukilia hatimaye na kuanzisha paradiso ya duniani pote. Watoto wetu waweza kufurahia hilo, nawe waweza pia.

Ikiwa ungependa habari zaidi au ungependa kutembelewa na mtu fulani ili aongoze funzo la Biblia nyumbani pamoja na wewe bila malipo, tafadhali andikia I.B.S.A., Box 47788, Nairobi, Kenya, au tumia anwani ifaayo iliyoorodheshwa kwenye ukurasa 2.