Ndogo Lakini Yenye Nguvu Nyingi

ROBERT, kijana kutoka Kanada, alisafiri kupitia Ulaya akitafuta kusudi lake maishani. Aliona mambo mengi yaliyomwacha akihisi kukosa tumaini kuhusu wakati ujao.

Akiwa ameketi ndani ya mkahawa katika Seville, Hispania, Robert alipewa trakti iliyochapishwa na Mashahidi wa Yehova. Kwanza, Robert aliitilia shaka. “Hata hivyo, niliisoma,” yeye akasema. “Siwezi kuieleza, lakini nilihisi inapatana na akili. Wakati wa safari zangu, nilikuwa nimeona aina nyingi za kushuka moyo na kuanguka kwa binadamu, na nilifadhaika kwa kukosa uwezo wa kubadili mambo. Baada ya kusoma trakti hiyo, nikajiuliza, ‘Je, huu “ulimwengu mpya” unaweza kuwapo?’ Halafu nikafikiri, ‘Ndiyo, huenda unaweza.’”

Akiwa na tumaini jipya, Robert aliandikia ofisi ya Mashahidi wa Yehova katika Kanada, akiomba kwamba mtu fulani amtembelee arudipo nyumbani na kumsaidia aelewe Biblia.

Bila shaka, neno linenwalo lina nguvu nyingi. Hata hivyo, usipunguze nguvu ya habari iliyochapishwa. Hata iwe ndogo kiasi gani, vichapo vya Biblia vina uvutio wenye nguvu sana. Hugusa akili na moyo, vikitoa tumaini hakika la wakati ujao.—Waebrania 4:12.