Kutoa Tafsiri ya Ulimwengu Mpya
1 “Yastahili mtu kuwa na [Tafsiri ya] Ulimwengu Mpya. Ni yenye kuchochea na sahihi, nayo humfanya msomaji afikirie na kujifunza. Hiyo si kazi ya Wachambuzi wa Biblia, bali ya wasomi wanaomheshimu Mungu na Neno Lake.” Ndivyo alivyosema mwelezaji mmoja mashuhuri wa Kiebrania na Kigiriki. Twakubali. Twaweza kusaidiaje wengine wawe na uthamini huohuo kwa Tafsiri ya Ulimwengu Mpya tunapoitoa na kitabu Ujuzi mwezi wa Desemba?
2 Huenda watu fulani wakaitikia hivi, “Nina Biblia tayari. Sihitaji nyingine.” Kazi yetu ni kuwasaidia waone kwamba Tafsiri ya Ulimwengu Mpya si Biblia nyingine tu. Ni tafsiri sisisi katika lugha ya kisasa ambayo huhifadhi maana ya maandishi ya awali. Sehemu moja ya ubora wake yaweza kuonyeshwa kwa kulinganisha tafsiri za maneno kama vile “sokoni” (Union Version) na “soko la nyama” (Tafsiri ya Ulimwengu Mpya) kwenye 1 Wakorintho 10:25.
3 Hata hivyo, watu wachache husoma Biblia, na bila shaka hawaelewi kanuni zake za maisha ya kila siku. Wanahitaji kujua kwamba Neno la Mungu laweza kuathiri maisha yao yawe mazuri na kwamba kufuata shauri lake kuhusu haki, adili, na maisha ya familia kwaweza kuwasaidia wakabiliane na matatizo ya leo. Hilo laweza kutimizwaje?
4 Utoaji Uliodokezwa: “Je, utakubali kwamba viwango vya leo vinapobadilika haraka sana na ukosefu wa uhakika kuhusu wakati wetu ujao, twahitaji mwongozo wenye kutegemeka wa maisha? [Ruhusu jibu.] Ijapokuwa ndicho kitabu kikuu kuliko vyote, Biblia hutoa shauri lenye kutumika kwa maisha ya kisasa na maisha yenye furaha ya familia.” Kisha fungua sura ya 2 katika kitabu Ujuzi, na usome fungu la 10 na sentensi ya kwanza ya fungu la 11, kutia ndani 2 Timotheo 3:16, 17. Mwonyeshe kitabu Ujuzi, eleza programu yetu ya funzo la Biblia nyumbani bila malipo, nawe ukitoe kikiwa na Tafsiri ya Ulimwengu Mpya. Ukihisi kwamba itafaa zaidi kuanzisha funzo katika broshua Anataka, waweza kufanya hivyo. Utapata matangulizi ya ziada yafaayo kwenye ukurasa wa 9-15 katika kitabu Kutoa Sababu.
5 Acheni tuonyeshe uthamini wetu kwa Tafsiri ya Ulimwengu Mpya iliyo bora sana. Twaweza kufanya hivyo kwa kuitoa kwa bidii mwezi wa Desemba.