Wafundishe Wanafunzi wa Biblia Kujilisha Kiroho

Ili kutosheleza uhitaji wao wa kiroho na kufanya maendeleo kufikia ukomavu wa kiroho, wanafunzi wa Biblia wanapaswa kujifunza mengi zaidi ya kweli tunazowafundisha. (Mt 5:3; Ebr 5:12–6:2) Wanapaswa pia kujifunza jinsi ya kujilisha wenyewe kiroho.

Tangu mwanzo, waonyeshe wanafunzi wako wa Biblia jinsi ya kujitayarisha kwa ajili ya funzo la Biblia, na uwatie moyo kufanya hivyo. (mwb18.03 6) Watie moyo wasali kabla ya kuanza kujifunza kibinafsi. Wafundishe jinsi ya kupata na kutumia machapisho ya kujifunzia ya kielektroni. Waeleze jinsi ya kupata habari mpya kwenye jw.org na JW Broadcasting^®. Hatua kwa hatua wafundishe jinsi ya kusoma Biblia kila siku, kutayarisha mikutano ya kutaniko, na kufanya utafiti ili kupata majibu ya maswali yao. Wasaidie kutafakari mambo wanayojifunza.

TAZAMENI VIDEO YENYE KICHWA WASAIDIE WANAFUNZI WAKO WA BIBLIA KUJILISHA KIROHO, KISHA MJIBU MASWALI YAFUATAYO:

• 

  Neema alimsaidiaje Lulu kuona kwamba kujifunza kunahusisha mengi kuliko kutafuta majibu?

• 

  Ni nini kilichomsadikisha Lulu kwamba Yehova hajakosea anapotukataza tusijihusishe katika uasherati?

• 

  Lulu alitambua nini kuhusu kutafakari?