Kuvumilia Ukosefu wa Haki

Soma Mwanzo 37:​23-28; 39:​17-23 ili kujifunza kutokana na simulizi la Yosefu linalohusu kuvumilia ukosefu wa haki.

Chunguza muktadha. Ni nini kilichosababisha Yosefu atendewe kwa njia isiyo ya haki? (Mwa. 37:​3-11; 39:​1, 6-10) Yosefu alihitaji kuvumilia ukosefu wa haki kwa muda gani? (Mwa. 37:2; 41:46) Katika kipindi hicho, Yehova alimfanyia nini Yosefu, lakini hakumfanyia nini?—Mwa. 39:​2, 21; w23.01 17 ¶13.

Chimba zaidi. Biblia haisemi kwamba Yosefu alijitetea aliposhtakiwa kwa uwongo na mke wa Potifa. Maandiko yafuatayo yanawezaje kutusaidia kujua sababu iliyomfanya Yosefu aamue kunyamaza, au kujua kwa nini hatuhitaji kutarajia kwamba habari zote kuhusu simulizi fulani zitafunuliwa? (Met. 20:2; Yoh. 21:25; Mdo. 21:37) Ni sifa gani ambazo huenda zilimsaidia Yosefu kuvumilia ukosefu wa haki?—Mika 7:7; Luka 14:11; Yak. 1:​2, 3.

Nimejifunza nini? Jiulize hivi:

• ‘Ninatarajia kutendewa mambo gani yasiyo ya haki kwa sababu ya kuwa mwanafunzi wa Yesu?’ (Luka 21:​12, 16, 17; Ebr. 10:​33, 34)

• ‘Ninawezaje kujitayarisha vizuri ili kukabiliana na ukosefu wa haki kwa mafanikio?’ (Zab. 62:​7, 8; 105:​17-19; w19.07 2-7)