Andiko La Mwaka Wa 2016

‘Watu wengi . . . watachukiana. . . . Upendo wa walio wengi zaidi utapoa.’ (Mt. 24:10, 12) Maneno hayo ya Yesu yalionyesha kwamba watu walioishi siku zilizokaribia uharibifu wa Yerusalemu mwaka wa 70 W.K. wangekosa upendo. Hata hivyo, upendo ungewatambulisha wanafunzi wa Kristo. (Yoh. 13:35) Ni wazi kwamba Wakristo Waebrania walioishi Yerusalemu walitiwa sana moyo kusoma maneno ya Paulo ya kuwapongeza kwa kuwa na upendo na kuwachochea waendelee kuudumisha!

Sisi pia, tunaishi wakati ambao mfumo wa Shetani wa mambo uko karibu sana kuharibiwa. Kama ndugu zetu katika karne ya kwanza, tunaishi katikati ya wale ambao wanapenda pesa, raha, na kujipenda wenyewe lakini wakikosa upendo kwa Mungu na jirani zao. (2 Tim. 3:1-4) Licha ya hayo, Mashahidi wa Yehova kuzunguka ulimwengu mzima wana upendo wa kindugu miongoni mwao. Na tumsifu Yehova, aliye chanzo cha upendo, kwa kuendelea kuwa na upendo wa kindugu.