Je, Mungu Anaishi Mahali Hususa?

Jibu la Biblia

Ndiyo. Mungu anaishi mahali hususa—anaishi mbinguni. Fikiria mistari ifuatayo ya Biblia:

Katika sala, Mfalme Solomoni alisema: “Basi na usikilize ukiwa mbinguni, makao yako yaliyofanywa imara.”—1 Wafalme 8:43.

Yesu Kristo aliwafundisha wanafunzi wake kuelekeza sala zao kwa ‘Baba yao aliye mbinguni.’—Mathayo 6:9.

Baada ya Yesu kufufuliwa, aliingia “mbinguni kwenyewe, ili sasa aonekane mbele za uso wa Mungu.”—Waebrania 9:24.

Mistari hiyo inaonyesha waziwazi kwamba Yehova Mungu ni mtu halisi na kwamba haishi kila mahali, bali anaishi mbinguni peke yake.