Je Kweli Kuna Mapepo?

Jibu la Biblia

Ndiyo. Mapepo ni “malaika waliofanya dhambi,” viumbe wa kiroho waliomwasi Mungu. (2 Petro 2:4) Malaika wa kwanza kabisa kuasi na kuwa pepo alikuwa Shetani Ibilisi, ambaye Biblia inamwita “mkuu wa pepo.”—Mathayo 12:24, 26, Biblia Habari Njema.

Malaika walioasi katika siku za Noa

Biblia imerekodi simulizi la malaika walioasi kabla ya Gharika ya Siku za Noa: “Ndipo wana wa Mungu wa kweli wakaanza kuwaona mabinti wa wanadamu, kwamba ni wenye sura ya kupendeza; nao wakajichukulia wake, yaani, wote waliowachagua.” (Mwanzo 6:2) Malaika hao waovu, walishuka duniani na ‘kuyaacha makao yao wenyewe yanayofaa,’ yale ya mbinguni na wakajivika miili ya wanadamu ili wafanye ngono na wanawake.—Yuda 6.

Mungu alipoleta gharika, malaika hao waasi walijivua miili ya kibinadamu na kurudi mbinguni. Hata hivyo, Mungu aliwafukuza katika familia yake. Mojawapo ya adhabu walizopewa ni kwamba mapepo wamezuiwa kujibadili ili wawe na miili ya kibinadamu na hawawezi tena kufanya hivyo.—Waefeso 6:11, 12.