Mahali pa Sayuni pamefanywa ‘ukiwa.’ Basi wazia mshangao wa Sayuni anapokaliwa na wakazi wengi sana kwa ghafla hivi kwamba makao yake yanaonekana kuwa membamba, yasiyomtosha. (Soma Isaya 49:19, 20.)

25. Nyakati za kisasa, Israeli wa kiroho alirudishwa katika hali gani?

²⁵ Maneno haya yana utimizo wa kisasa. Katika ile miaka migumu ya vita ya ulimwengu ya kwanza, Israeli wa kiroho alipatwa na kipindi cha ukiwa na utekwa. Lakini alirudishwa akaja kuwa katika paradiso ya kiroho. (Isaya 35:1-10) Inaweza kusemwa kwamba alifurahi sana, kama jiji lile ambalo Isaya alielezea habari zake, kwa kujikuta akimiminikwa na waabudu wengi wa Yehova wenye shangwe na utendaji mwingi.