21, 22. Andiko la Sefania 1:17, 18 litatimizwaje wakati wetu?

²¹ Siku ya hukumu inayotabiriwa katika Sefania 1:17, 18, ni siku yenye kuogofya kama nini! “Nami nitawaletea wanadamu dhiki,” asema Yehova Mungu, “hata watakwenda kama vipofu, kwa sababu wamemtenda BWANA dhambi; na damu yao itamwagwa kama mavumbi, na nyama yao kama nami [“mavi,” Biblia Habari Njema].

Kwa sababu wanatenda dhambi dhidi ya Mungu, watakwenda wakipapasa-papasa kama vipofu, wasiweze kupata ukombozi. Katika siku ya hukumu ya Yehova, damu yao “itamwagwa kama mavumbi,” kama kitu kisichofaa. Mwisho wao utakuwa wenye kufedhehesha kwelikweli, kwa kuwa Mungu atatawanya miili pamoja na viungo vya ndani vya waovu hao juu ya dunia, “kama mavi.”