Watchtower MAKTABA KWENYE MTANDAO

Kuzungumza kwa njia ya kawaida

Faidika na Elimu ya Shule ya Huduma ya Kitheokrasi
- SOMO LA 14
  
  Kuzungumza kwa njia ya kawaida
  
  Unahitaji kufanya nini?
  
  Uwe kama kawaida yako—kwa maongezi na unyofu bila kuiga wengine.
  
  Kwa Nini Ni Muhimu?
  
  Ikiwa una wasiwasi, ikiwa hujatulia, au ikiwa huzungumzi kwa njia ya kawaida kwa sababu ya kujifikiria sana, wengine wanaweza kukengeushwa wasikusikilize.
  
  KUONGEA kwa njia ya kawaida hufanya wengine wakuamini. Je, unaweza kuamini maneno ya mtu ambaye amefunika uso wake kwa kitu fulani? Na je, ungeamini maneno yake kama kitu hicho kinavutia kuliko sura yake halisi? Hapana. Basi uwe jinsi ulivyo kwa kawaida badala ya kuiga usemi mwingine.
  
  Kuzungumza kwa njia ya kawaida si uzembe. Kutotumia lugha sanifu, kutamka maneno vibaya, na kutosema maneno yanayosikika wazi hakufai. Tuepuke lugha ya mtaani. Nyakati zote maneno yetu na tabia zetu ziwe na adabu. Mtu ambaye anaongea kwa njia ya kawaida haongei kwa njia rasmi kupita kiasi wala hafikirii tu kuvutia watu.
  
  Katika Huduma ya Shambani. Unapokaribia nyumba au unapoelekea kukutana na mtu hadharani ili umhubirie, je, unakuwa na wasiwasi? Wengi wetu huwa na wasiwasi, lakini wengine huwa na wasiwasi zaidi. Wasiwasi unaweza kufanya sauti ibadilike au itetemeke, au unaweza kufanya utoe ishara isiyofaa kwa mikono na kichwa.
  
  Kuna sababu kadhaa zinazoweza kumfanya mhubiri apate tatizo hilo. Labda anafikiria watu watamwonaje au anafikiria iwapo atafanikiwa kutoa ushahidi. Hiyo ni kawaida, lakini matatizo hutokea tunapofikiria mambo hayo kupita kiasi. Ukishikwa na wasiwasi kabla ya kuanza huduma, ni nini kinachoweza kukusaidia? Jitayarishe vizuri na usali sana kwa Yehova. (Mdo. 4:29) Fikiria rehema kubwa ambayo Yehova anaonyesha kwa kuwaalika watu wafurahie afya kamilifu na uhai wa milele katika Paradiso. Wafikirie wale unaojaribu kuwasaidia na uhitaji wao wa kusikia habari njema.
  
  Ukumbuke pia kwamba watu wana hiari, kwa hiyo ama wanaweza kukubali ujumbe wako ama waukatae. Ndivyo ilivyokuwa Yesu alipohubiri katika Israeli la kale. Mgawo wako ni kuhubiri tu. (Mt. 24:14) Hata kama watu hawakupi nafasi ya kuzungumza, unatoa ushahidi unapowatembelea. Utakuwa umefaulu kwa sababu umemruhusu Yehova akutumie kutimiza mapenzi yake. Na ukipata fursa za kuongea, utazungumzaje? Ukijifunza kufikiria mahitaji ya wengine, utaongea kwa njia ya kuvutia na ya kawaida.
  
  Ukitenda na kuzungumza kama kawaida unapohubiri, wale wanaokusikiliza watastarehe. Hata wanaweza kukubali kwa urahisi zaidi Maandiko ambayo unataka kuwaeleza. Badala ya kuwahutubia, zungumza nao. Uwe mwenye urafiki. Pendezwa nao, na uwaruhusu wajieleze. Kama kuna desturi fulani katika lugha ama jamii ya kuonyesha adabu unapoongea na watu usiowajua, ni vizuri kuzifuata. Lakini, uwe tayari nyakati zote kutabasamu kirafiki.

Kuzungumza kwa njia ya kawaida

Faidika na Elimu ya Shule ya Huduma ya Kitheokrasi
- JINSI YA KUFAULU
  
  Zungumza kama unavyofanya kila siku. Badala ya kujifikiria, mfikirie Yehova na ukumbuke kwamba watu wake wanahitaji kujifunza juu yake.

Kuzungumza kwa njia ya kawaida

Faidika na Elimu ya Shule ya Huduma ya Kitheokrasi
- (2) Pindi tatu tofauti-tofauti kabla ya kwenda kwenye huduma ya shambani, soma mafungu mawili ya kwanza ya somo hili na pia habari iliyo chini ya kichwa kidogo “Katika Huduma ya Shambani,” kwenye ukurasa wa 128. Jaribu kutumia madokezo hayo.