Kwa mfano, Duncana alitamani sana kuwa mmishonari. Lakini baada ya yeye na mke wake kufanya utumishi wa umishonari kwa miaka mingi, walilazimika kurudi nyumbani. Duncan alisema hivi: “Kwa mara ya kwanza katika maisha yangu, nilipoteza mwelekeo. Sikuwa na miradi tena. Mambo yote yalionekana kuwa hayana maana tena.”

Wengine wameona kwamba kuna faida ya kutanguliza mambo fulani. Duncan, aliyetajwa mwanzoni, anasema: “Mimi na mke wangu tulipotambua kwamba hatungeweza tena kuwa wamishonari, tulivunjika moyo sana. Mwishowe, tuliamua kutanguliza mambo mawili: kumtunza Mama na ikiwezekana, kuendelea katika utumishi wa wakati wote. Tunapohitaji kufanya maamuzi, tunafikiria ikiwa maamuzi hayo yatavuruga mambo hayo tunayotanguliza. Hivyo, inakuwa rahisi zaidi kufanya maamuzi.”