DINI nyingi zimeibuka tena katika nchi za ule uliokuwa Muungano wa Sovieti. Kwa sasa, nchini Urusi peke yake, asilimia 50 ya watu hudai kuwa Waothodoksi, na mamilioni ya watu ni wafuasi wa dini nyinginezo.

Muungano wa Sovieti ulipovunjika ghafula takriban miaka kumi iliyopita, watu walianza kujiuliza hivi, ‘Kwa nini serikali ya Sovieti ikajaribu kuondolea mbali dini?’ Watu wengi waliofunzwa kutomwamini Mungu kwa miaka mingi wakawa na hamu ya kutaka kujua manufaa ya dini. Je, Biblia ambayo ilikuwa imepigwa marufuku, ingeweza kueleza jinsi ambavyo matatizo yanayokumba wanadamu yatatatuliwa? Warusi walianza kuichunguza wenyewe.