-
Kulinda Kisheria Habari NjemaMnara wa Mlinzi—1998 | Desemba 1
-
-
Kwa kielelezo, fikiria kesi ya Murdock v. Commonwealth of Pennsylvania, iliyoamuliwa na Mahakama Kuu Zaidi ya Marekani, Mei 3, 1943. Swali lililozushwa katika kesi hiyo lilikuwa: Je, Mashahidi wa Yehova wapaswa kupata leseni ya kibiashara ya uchuuzi ili wagawanye vichapo vyao vya kidini? Mashahidi wa Yehova walisisitiza kwamba hawatakikani kufanya hivyo. Kazi yao ya kuhubiri si—wala haijapata kuwa—biashara. Lengo lao, si kuchuma fedha, bali kuhubiri habari njema. (Mathayo 10:8; 2 Wakorintho 2:17) Katika uamuzi wa kesi hiyo ya Murdock, Mahakama ilikubaliana na Mashahidi, ikisisitiza kwamba takwa lolote la kulipa kodi ya leseni kabla ya kugawanya vichapo vya kidini si halali.b Uamuzi huo uliweka kielelezo muhimu, nao Mashahidi wametumia kisa hicho kwa mafanikio katika kesi kadhaa baadaye. Uamuzi katika kesi ya Murdock umethibitika kuwa tofali thabiti katika ukuta wa kisheria wa kulinda.
-
-
Kulinda Kisheria Habari NjemaMnara wa Mlinzi—1998 | Desemba 1
-
-
b Katika uamuzi wa kesi ya Murdock, Mahakama Kuu Zaidi ilitangua uamuzi wake wenyewe katika kesi ya Jones v. City of Opelika. Katika kesi ya Jones, mwaka wa 1942, Mahakama Kuu Zaidi ilikuwa imeunga mkono uamuzi wa mahakama ndogo iliyokuwa imemhukumia hatia Rosco Jones, mmoja wa Mashahidi wa Yehova, kwa kushiriki katika kugawanya vichapo kwenye mitaa ya Opelika, Alabama, bila kulipa kodi ya leseni.
-