Uingereza

Kirsty, painia wa kawaida, alijifunza Kilingala na Kifaransa ili awahubirie watu kutoka Kongo katika eneo lake. Siku moja alimwona mwanamke kutoka Kongo aliyekuwa aking’ang’ana kuingia ndani ya basi kwa sababu alikuwa na mizigo mingi. Kirsty alimuuliza katika Kilingala ikiwa anaweza kumsaidia kuingiza mizigo hiyo ndani ya basi. Mwanamke huyo akauliza hivi: “Mbona wewe, mzungu, unazungumza Kilingala?” Kirsty akamjibu kwamba anashirikiana na kutaniko la Kilingala na kwamba Mashahidi wenzake wamemfundisha lugha hiyo ili aweze kuzungumza na watu kuhusu Biblia. Kirsty alitaka kumwalika mwanamke huyo kujifunza Biblia, hivyo akapanda basi hilo hadi mahali ambapo mwanamke huyo alishukia. Kisha, Kirsty akambebea mizigo yake hadi kwenye ghorofa ya tatu aliyokuwa akikaa. Mume wa mwanamke huyo na watoto wao wanne wakamkaribisha Kirsty, naye akawaonyesha jinsi ya kujifunza Biblia wakitumia kitabu Biblia Inafundisha Nini Hasa? Mwanamke huyo na watoto wake wawili wakubwa, sasa wanajifunza Biblia. Wote watatu wanafanya jitihada ili kumfurahisha Yehova.

[Picha katika ukurasa wa 58]

Alipata funzo la Biblia kwa sababu ya kujifunza lugha ya kigeni