9. Mtunga-zaburi analinganisha kipindi cha miaka elfu ya kuwepo kwa wanadamu na nini?

⁹ Mtunga-zaburi alipuliziwa kuonyesha kwamba kipindi cha miaka elfu cha kuwepo kwa wanadamu ni muda mfupi sana machoni pa Muumba wa milele. Alimwambia Mungu hivi: “Wamrudisha mtu mavumbini [“wamrudisha mwanadamu awezaye kufa kuwa kitu kilichopondwa,” “NW”], usemapo, Rudini, enyi wanadamu. Maana miaka elfu machoni pako ni kama siku ya jana ikiisha kupita, na kama kesha la usiku.”—Zaburi 90:3, 4.

11. Kwa nini tunaweza kusema kwamba muda unaoonekana kuwa mrefu sana kwetu ni mfupi sana kwa Mungu?

¹¹ Kwa maoni ya Yehova, hata Methusela aliyekuwa na umri wa miaka 969 aliishi kwa muda unaopungua siku moja. (Mwanzo 5:27) Kwa Mungu miaka elfu ni kama siku ya jana—muda wa saa 24 tu—ikiisha kupita. Mtunga-zaburi pia anataja kwamba kwa Mungu miaka elfu ni kama muda wa saa nne ambazo mlinzi anakuwa kambini wakati wa usiku. (Waamuzi 7:19) Basi, ni wazi kwamba muda unaoonekana kuwa mrefu sana kwetu ni mfupi sana kwa Yehova, Mungu wa milele.