Soma sura 5 na 6. Kwa kuwa Yehova ni mwenye nguvu zote, ni lazima sisi tuchukue uhusiano wetu pamoja naye kwa uzito, si kutenda kwa upumbavu na kutazamia akubali “kafara” yetu (5:1, 2). Mtu anayeogopa Mungu anapokea uradhi kutokana na kutumia utajiri wake wa vitu vya kimwili, lakini mtu anayeuweka kwa ubahili hapati mfurahio wo wote.—Linganisha 5:18-20 pamoja na 6:2, 3.

Somo kwetu sisi: Katika mahali petu pa ibada, ni lazima tujiendeshe wenyewe kwa adhama na tunapaswa kuwa wasikivu (5:1). Ni lazima pia tuwe wenye haraka kutimiza wajibu wetu mbalimbali mbele za Yehova. Ikiwa tumefunga ndoa, hiyo inatia ndani kutimiza nadhiri yetu ya ndoa.—5:4.