Kitabu cha Nahumu kinafunguka kwa maneno haya: “Lile tamko rasmi dhidi ya Ninawi,” ule mji mkuu wa Ashuru. Kwa sababu gani? Kwa sababu, kama vile nabii Nahumu anavyosimulia baadaye, Ninawi ulikuwa mji wa umwagaji-damu . .. wote ukiwa umejaa udanganyifu na unyang’anyi.” (Nahumu 1:1; 3:1, NW) Je! yeye alikuwa akitia chumvi? Hata kidogo!

Wakati Ninawi ulipoanguka, uangamivu wao ulikuwa kamili sana hivi kwamba kwa muda wa karne nyingi hata mahali mji huo ulipokuwa palisahauliwa. Wachambuzi fulani walidhihaki Biblia, wakisema mji huo haukupata kamwe kuwako. Lakini ulipata kuwako! Huo uligunduliwa upya, na habari ambazo wachimbuzi wa vitu vya kale walipata huko zilikuwa za kusisimua kweli kweli!