SANDUKU LA KUFUNDISHIA LA 20A
Kuigawa Nchi
Ufafanuzi kuhusu vipimo hususa vya mipaka uliwahakikishia kabisa wahamishwa kwamba nchi yao waliyoipenda ingerudishwa. Tunapata masomo gani leo kutokana na maono hayo? Fikiria mambo mawili kuhusu maono hayo:
Mahali na mgawo wenye thamani
Kila mtu kati ya watu waliorudi kutoka uhamishoni angekuwa na urithi katika Nchi ya Ahadi iliyorudishwa. Vivyo hivyo, leo paradiso ya kiroho ina nafasi kwa ajili ya watumishi wote wa Yehova. Hata iwe tunatimiza jukumu dogo kadiri gani katika tengenezo, tuna mahali na mgawo wenye thamani katika nchi ya kiroho. Yehova anawaona watumishi wake wote kuwa wenye thamani.
Urithi ulio sawa
Katika maono ya Ezekieli, wakaaji wa maeneo yote ya Nchi ya Ahadi iliyorudishwa wangepata mazao mengi ya nchi kwa usawa. Vivyo hivyo, leo Yehova amewapa watumishi wake wote nafasi sawa za kupata baraka katika paradiso ya kiroho.