Mwalimu Wake Alikipendekeza

◼ Vijana wanaweza kupata wapi mwongozo na mashauri yanayofaa? Cheren mwenye umri wa miaka 13 nchini Italia alifurahia kusoma kitabu Maswali Ambayo Vijana Huuliza—Majibu Yafanyayo Kazi. Hivi karibuni, alipata fursa ya kuwaonyesha wanafunzi wenzake kitabu hicho.

“Niko katika darasa la nane,” anaeleza, “na tukiwa darasani tulizungumzia matatizo yanayowapata vijana. Siku moja, mwalimu wangu alinijia akisema alikuwa amesikia kwamba vichapo vyetu vinawasaidia vijana. Aliniuliza ikiwa ningeweza kumletea vichapo fulani. Kwa hiyo, nikampa kitabu Vijana Huuliza.

“Siku kadhaa baadaye alizungumzia kitabu hicho pamoja na wanafunzi akitumia sura ya 10 yenye kichwa ‘Sura Ni ya Maana Kadiri Gani?’ Hata alitupa kazi ya nyumbani iliyotegemea ‘Maswali kwa Ajili ya Mazungumzo’ mwishoni mwa sura hiyo. Alisema, ‘Kitabu hiki kimeandikwa vizuri sana, inasikitisha kwamba kila mtu hana nakala yake.’

“Nilimwambia kwamba ningemletea yeyote ambaye angetaka, na wanafunzi 16 wakaniomba niwaletee. Nilipowaletea vitabu hivyo, hata wale wanafunzi waliosema kwamba hawakutaka walibadili nia na kuomba waletewe pia!”

Kitabu Vijana Huuliza pia kina sura kama vile “Kwa Nini Ninashuka Moyo Sana?,” “Nijueje Kama Ni Upendo Halisi?,” “Kwa Nini Ukatae Madawa ya Kulevya?,” na “Naweza Kudhibitije Mazoea Yangu ya Kutazama TV?” Unaweza kuomba kitabu hicho kwa kujaza sehemu iliyoonyeshwa hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Bila masharti, ningependa kupokea kitabu kilichoonyeshwa hapa.

□ Ningependa kujifunza Biblia nyumbani kwangu bila malipo.